Categories: Health aur Care

Ulti Hone Se Rokne Ke 10 Gharelu Ilaj in Urdu

Ulti hona koi serious health problem nahi hoti. Balki yah to body me hone wali koi temporary problem ke reaction ke rup me samne aati hai.

Ulti aane ki kuch normal reason hai – jyada khana kha lena, bahut jyada sharab peena, food poisoning, pet dard, depression ya stress, pregnancy aur motion sickness (lambe safar ke karan hone wali jee machalne ki problem).

Ulti aur jee machalne ki problem se chhutkara pane ke liye neeche diye gaye gharelu ilajo ko apnaye –

1. Adrak (ginger)

Adrak hamare digestive system ko healthy banaye rakhne me kafi helpful hote hai. Yah ulti ko rokne ke liye natural antiemetic medicine ki tarah kaam karta hai.

  • Ek-ek chammach adrak ka juice aur nimbu ka juice milakar piye. isko 1-2 ghante me ek baar piye jabtak ki ulti puri tarah se thik na ho jaye.
  • Ya fir, adrak aur shahad ki chaay banakar piye.

2. Chaval ka pani (rice water)

Chaval ka pani ulti ko kam karne me help karta hai, khastaur se jab yah gastritis ke karan hui ho. Chaval ka pani banate time bhure chaval (brown rice) ki jagah sada chaval ka upyog kare, kyonki isme jyada quantity me starch hota hai aur yah asani se pach jata hai.

  • Dedh cup pani me ek cup chaval dalkar ubale.
  • Ab is pani ko chhankar piye.

3. Dalchini (cinnamon)

Dalchini pet ko shant karne me help karti hai aur digestion problem ke karan hone wali ulti aur jee machalne ki problem ko thik karti hai.

  • Ek cup ubalte pani me dedh chammach dalchini ka powder dale. Aap powder ki jagah dalchini ki stick ka istemal bhi kar sakte hai.
  • Ab ise chhan le.
  • Aap isme ek chammach shahad bhi mila sakte hai.
  • Ab ise dhire-dhire chaay ki tarah piye.

Note – Is ilaj ko pregnant khawateene na kare.

4. Pudina (mint)

Pudina ki chaay bhi ulti se rahat dene me help karti hai, hastaur se jab yah pet ki kharabi ke karan hui ho.

  • Dedh chamamch sukhi pudina ki pattiyo ko ek cup pani me dale. Ab ise 5-10 minute ke liye ubale. Ab is chaay ko chhankar piye.
  • Yadi apke pas taja pudina ki pattiya maujud hai to inhe keval chabakar khaye.
  • Ya fir, ek-ek chammach pudina ke juice aur nimbu ke ras ko do chammach shahad ke sath milakar mixture bana le. Ismixture ko din me teen baar piye.

5. Seb ka sirka (apple cider vinegar)

Seb ka sirka pet ko shant karta hai aur detoxification ki process ko badhata hai. Isme antimicrobial properties hoti hai jo food poisoning ko thik karne me help karti hai.

  • do-do chammach seb ka sirka aur shahad ko ek glass pani me milakar piye.
  • Ulti ki boo ke karan aur jyada ulti ho sakti hai. Isliye apni sanso ko fresh karne ke liye dedh chammach pani me ek chammach seb ka sirka milakar muh ka kulla aur garare kare.

6. Laung (clove)

Laung me soothing properties hoti hai jo digestion ko thik karne me help karti hai aur ulti ki problem ko kam karti hai. Yah khastaur se pet ke juice ke imbalance ke karan hone wali ulti aur jee machalne ki problem ko thik karne me help karti hai.

  • Ek-do laung ko chabakar ya iski chaay banakar piye.
  • Ya fir, kuch bhuni hui laung ko shahad ke sath nigal le.

7. Saunf (fennel)

Saunf digestion process ko badhati hai aur jee machalne ki problem ko kam karti hai. Isme antimicrobial properties hoti hai jo pet ke flu ko thik karti hai.

  • Ek chammach pisi hui saunf ko ek cup pani me dalkar 10 minute ke liye ubale. Ab is chaay ko chhankar piye.
  • Keval saunf ko chabakar khane se bhi iska pura fayda uthaya ja sakta hai.

8. Jeera (cumin)

Ulti ka ilaj karne ke liye jeera sabse achha aur saral gharelu ilaj hota hai. Jeera agnashay (pancreas) ke enzymes ke secretion ko badhane me help karta hai jisse digestion process thik hoti hai.

  • Dedh chammach jeera ko pani me milakar pee le.
  • Ya fir, ek cup pani me ek chammach jeera aur ek chutki jaayfal milakar ubale. Ab ise chhankar chaay ki tarah pee le.
  • Ya fir, ek chammach shahad me thoda sa jeera ka powder aur elaichi powder milakar dhire-dhire pee le.

9. Pyaj ka ras (onion juice)

Pyaj ke ras me antibiotic properties hoti hai isliye yah bhi ulti aur jee machalne ki roblem se ladne me help karti hai.

  • Ek-ek chammach pyaj ke ras aur adrak ke ras ko milakar piye.
  • Ya fir, dedh cup pyaj ke ras me do chammach shahad shahad milakar piye.

10. Namkeen biscuit

Ulti aur jee machalne ki problem ko thik karne me namkeen biscuit bhi kafi faydemand hote hai. Yah asani se digest ho jate hai aur pahle se maujud digestion ki problems ko kam karne me help karte hai.

Digestion se related koi bhi problem hone par namkeen biscuit khaye.

Extra tips

  • Jab bhi apko ulti aane ki feeling ho ya jee machle to lambi-lambi aur gahri saanse le.
  • Apne khane me halke aur asani se pachne wale food products ko shamil kare. Khane ko dhire-dhire aur achhe se chabakar khaye.
  • Tale-bhune food products ko na khaye.
  • Liquids jaise pani juice aadi ko khub piye.
  • Apni body ko jarurat ke anusar aram de.
  • Raat ko jyada der tak na jage.
  • Strong odor jaise perfume aadi se dur rahe.
  • Khana khane ke baad turant aaran na kare, balki pahle 15-20 minute ke liye khuli hawa me tahle aur fir aram kare.

Yah gharelu ilaj jyadatar mamlo me ulti aur jee machalne ki problem ko thik kar dete hai. Yadi apko inko apnanae ke baad bhi koi sudhar najar nahi aa raha hai to apne doctor se janch karwaye.

Share