Prostate cancer hone ke 7 lakshan


aman

Moderator
Joined
Sep 7, 2019
Messages
51
Likes
3
Points
8
#1
Prostate cancer purusho me dusra sabse adhik paya jane wala normal cancer hai, pahla hai melanoma skin cancer. Centres for Disease Control and Prevention (CDC) ke anusar yah purusho me cancer ke karan hone wali deaths me sabse pahle number par hai.

Prostate cancer prostate gland me shuru hota hai. Prostate gland ke niche, guda ke aage aur peshab ke upary bhag me hoti hai.Yah bladder (peshab) ko control karne me help karti hai aur seminal fluid paida karti hai jo sperm ko nutrition ko pradan karta hai aur unke transport me help karta hai.

Halaki ki prostate cancer ka sahi karan to abhi tak pata nahi chala hai, lekin kuch factors cancer ki possibility ko bada dete hai. Kuch risk factors nimn hai:

Umra (age): Prostate cancer mukhya rup se 50 se adhik umra ke purusho me hota hai aur umra badhne ke sath-sath iske hone ki possibility bhi badhti jati hai.

Family History: Jin purusho ki family me pahle se kisi purush ko prostate cancer ho chuka hai unme yah hone ki possibility jyada hoti hai.

Ethnicity: Kali ethnicity ke logo (black man) me prostate cancer ki possibility anya logo se jyada hoti hai.

Exercise ki kami: Exercise aur physical activity ki kami ke karan bhi is bimari ke hone ki possibility badh jati hai.

High testosterone levels: Jo purush testosterone therapy ka istemal karte hai unme bhi prostate cancer ki possibility jyada hoti hai.

Aniyamit khanpan: kuch foods jaise dudh ke products (dairy products), high calcium diet, processed aur red meat, saturated fat, sharab aur vitamin C ke supplements ka adhik sevan karne se prostate cancer ki possibility badh jati hai.

Prostate cancer aksar dhire-dhire badhta hai, isliye ho sakta hai iske lakshan kai salo tak na dikhe. Asal me shuruati state me prostate ke koi lakshan nahi hote. Iske lakshan tabhi dikhai dena shuru hote hai jab yah itna badh jaye ki peshab par pressure daalne lage.

Isi tarah, yadi cancer prostate gland ke bahri hisse me ho aur peshab marg ke dusri or ho to ho sakta iske koi lakshan hi dikhai na de.

Yah hamesha dhyan rakhe ki size ka bada hone ka yah matlab nahi ki vah cancer hi ho. Umra badhne ke sath-sath prostate ki size bhi badh sakti hai aur is condition ko benign prostatic hyperplasia (BPH) kaha jata hai. BPH ke karan cancer nahi hota, lekin kuch mamlo me yah cancer cells ko dharan jarur kar sakta hai.

Iske alava, prostate me growth aur cancer mukt tumor hone par bhi prostate cancer ki tarah hi lakshan dikhai de sakte hai.

Prostate cancer aur iske lakshano ki uchit jankari rakhkar aap iska samay par ilaj kara sakte hai, iske bhayanak parinamo se bach sakte hai.

Yaha par prostate cancer hone ke lakshan aur sanket diye ja rahe hai -

1. Peshab me badlab ya pareshani mahsus hona

Chunki prostate gland peshab marg ke kafi karib hoti hai, isliye isme hone wale badlavo ka sidha asar hamari peshab ke system par padta hai. Akar aur jagah ke adhar par prostate ka tumor peshab marg ko daba sakta hai, jiske karan hame nimn pareshaniya aur badlav dikhai de sakte hai -
  • Peshab karne me pareshani hona ya peshab ko shuru aur band karne me dard hona.
  • Peshab karte samay jalan hona.
  • Bar-bar peshab lagna, khastaur se raat ke samay.
  • Peshab par control na rahna jiske karan pent me hi peshab ka nikal jana.
  • Peshab karne ke baad bhi aisa lagna ki abhi puri tarah se peshab nahi hui.
2. Peshab me khoon ana

Peshab me khoon jyadatar urinary bladder ke infection ke karan aata hai, sath hi yah advanced prostate cancer hone ka sanket bhi ho sakta hai. Unfortunately yah lakshan prostate cancer ki shuruati stage me dikhai nahi deta.

Jab tumor bada hone lagta hai to yah urinary bladder (peshab marg) par dabab dalne lagta hai jisse peshab block hone lagti hai aur pressure ke karan tissue fatne lagte hai. Isse peshab me khoon ana shuru ho jata hai.

Peshab me khoon ane ke kai aur karan bhi ho sakte hai jaise urinary bladder, kidney ya pet ka cancer, isliye sabse pahle doctor se janch karakar iske sahi karan ko jane.

3. Yaun Rog (Sexual Dysfunction)

Purusho ke reproduction system me prostate gland ki ek aham bhumika hoti hai, isliye prostate gland kisi bhi prakar ki samasya hone par kai yaun samasyaye paida ho sakti hai.

Prostate cancer hone par apko ejaculate (skhalit) hone me pareshani hogi aur ejaculation ke samay dard hoga. Jab cancer apni advanced stage me hota hai to semen (virya) me khoon bhi aa sakta hai.

Chunki umra badhne ke sath-sath purusho ki yaun shakti me bhi kami aati hai, isliye vah is samasya ko najarandaj kar dete hai. Lekin aap is lakshan ko halke me na le aur turant apne doctor se contact kare. Test se yah pata chal jayega ki apko yah lakshan cancer ke karan hai ya nahi.
 


Joined
Sep 7, 2019
Messages
51
Likes
3
Points
8
#2
4. Lagatar dard rahna

Jab prostate cancer failkar haddiyo tak pahuch jata hai to apko prostate ke aspas lagatar dard sakta hai. Yah dard ek sath alag-alag jagah par bhi ho sakta hai. Dard ki intensity cancer ki growth aur size par nirbhar karti hai.

Prostate cancer ke marijo ko kulho me, kamar ke nichle hisse me aur jangho ke upari bhag me nirantar aur tej dard rah sakta hai.

Isliye yadi apko halka ya adhik kaisa bhi dard ho, to turant doctor se janch karaye.

5. Pairo me kamjori aur jakdan mahsus hona

Dard ke sath-sath apko apne pairo aur guptango me sujan aur kamjori mahsus ho sakti hai. Sath hi apko kulho aur pairo me jakdan aur sunnta ka anubhav bhi ho sakta hai.

Kuch log peshab aur mal par apna control bhi kho sakte hai.

Aisa tab hota hai jab cancer nervous system tak fail jata hai aur uspar pressure dalne lagta hai.

6. Achanak vajan kam hona

Achanak vajan kam hona bhi kisi bhi prakar ke cancer hone ka shuruati lakshan ho sakta hai. Vajan tab kam hota hai jab cancer liver tak pahuch jata hai aur iske kamkaj me badha dalne lagta hai. Liver bhukh ko control karta hai aur toxins ko sharir se bahar nikalta hai.

Yadi aap koi bhi exercise ya dieting nahi kar rahe hai fir bhi apka vajan lagatar kam hota ja sraha hai to turant iski janch karakar sahi karan ka pata lagaye.

7. Thakan (Fatigue)

Atyadhik kamjori aur thakan hona bhi prostate cancer ka shuruati lakshan ho sakta hai.

Yadi puri nind ya rest lene ke baad bhi apko nirantar thakan aur kamjori mahsus hoti hai, to apko cancer ki bimari ho sakti hai. Isliye aisi sthiti me bhi turant doctor ko mile.

Important Note:

Yadi apki umra 50 saal se adhik hai to niyamit rup se apne prostate ki doctor se janch karate rahe. Kyoki kai mamlo me prostate cancer ke shuruati lakshan dikhai nahi dete aur iska pata tab lagta hai jab yah kafi gambhir rup le leta hai.
 
Top