Muhase dur karne ke 10 gharelu nuskhe


aman

Moderator
Joined
Sep 7, 2019
Messages
51
Likes
3
Points
8
#1
Muhase (acne) ek skin problem hai jo kisi bhi umra ke logo ko ho sakti hai. Lekin teenage me yah sabse jyada hoti hai kyoki is dauran sharir me kai hormonal changes hote hai.

Nind ki kai (sleep deprivation), atyadhik tanav (too much stress), aniyamit khanpan (unhealthy eating habits) aur aniyamit jeevanshaili (irregular lifestyle) ke karan bhi muhase ho sakte hai.

Halaki muhase ka koi definite ilaj to nahi hai, lekin aise bahut sare simple aur easy gharelu upay hai jo muhaso ko rokte hai.

Muhase rokne ke 10 sabse kargar gharelu upay niche diye ja rahe hai -

1. Khane ka Soda (Baking Soda)

Khane ka soda darasal sodium bicarbonate hota hai jo skin ke surface se dead cells ko nikalkar naye cells ko ubharta hai. Yah skin ke pH level ko bhi regulate karta hai aur isme maujud anti-inflammatory aur antiseptic properties muhase nahi hone deti.
  • 2 chammach khane ke soda me thoda sa pani dalkar paste bana le. Ab is paste ko chehre par lagakar kuch minute ke bad dho le.
  • Acche result pane ke liye 2 chammach soda me 1 chammach dalchini powder, adha nimbu ka ras aur 5 chammach shahad milakar chehre par lagaye.
Baking soda ka istemal hafte me 2 baar kare.

2. Daliya (Oatmeal)

Daliya skin pores ko clean karta hai aur excess oil ko absorb karta hai.
  • 1 cup bhune huye daliya me 1 chammach hahad aur adha chamamch nimbu ka ras mila le.
  • Ab ise apni skin par rub kare.
  • Iske baad ise 30 minute ke liye chhod de aur fir garm pani se dho le.
  • Ise hafte me ek ya do baar kare.
3. Multani Mitti (Fuller's Earth)

Multani mitti greasy aur acne prone skin ke liye bahut faydemand hoti hai kyoki yah skin se excess oil absorb karti hai (skin ko atyadhik sukhaye bina) aur pores ko kholti hai. Multani mitti skin ko gora bhi karti hai. Yah asani se bajar me mi jati hai.
  • Multani mitti, gulab jal aur chandan ke powder ko barabar matra me milakar paste bana le.
  • Ab is paste ko chehre par laga le.
  • Sukhne ke baad ise saaf kar le.
  • Ise har hafte dohraye.
4. Nimbu Pani (Lemon Juice)

Lemon juice ki acidic properties muhaso ko khatm karne ke liye kafi faydemand hai. Yah pores me maujud dirt ko clean karta hai. Ise aap apni skin par roj istemal kar sakte hai, lekin yadi apki skin sukhi ya kam oily hai to se 2-3 din me ek baar istemal kare.
  • Nimbu ke kate chhilke se muhase wali jagah par rub kare aur kuch ghanto ke liye aise hi chhod de. Fir garm pani se ise dho le.
  • Aap nimbu ke ras me barabar matra me gulab jal milakar bhi laga sakte hai.
 


Joined
Sep 7, 2019
Messages
51
Likes
3
Points
8
#2
5. Toothpaste

Hamare rojmarra ki life me istemal hone wala toothpaste bhi muhase dur karne ke liye istemal ho sakta hai. Toothpaste muhaso ko swelling dur karke unhe sukha deta hai.
  • Raat ko sone se pahle thoda sa toothpaste muhaso ki binduyo par laga le.
  • Subah uthkar ise garm pani se saaf kar le.
  • Apko 2-3 din me hi fark najar ane lagega.
6. Tea Tree Oil

Muhase dur karne ka ek aur prachlit upchar hai tea tree oil (chaay ke ped ka tel). Yah skin par antiseptic ki arah kaam karta hai aur pores ko disinfect karta hai.

Sath hi yah muhase paida karne wale bacteria ko bhi khatm karta hai. Roj din me 3 baar tea tree oil ko directly muhaso par lagaye.

Yadi tea tree oil karan skin irritation, redness aur over drying ho raha ho to ise dilute (pani milakar) karke istemal kare.

7. Santre Ka Chhilka (Orange Peel)

Santre me acidic property aur Vitamin C hota hai jo acne ke liye perfect remedy hai. Aap santre ka juice ya iske chhilke istemal kar sakte hai, lekin iske chhilke jyada faydemand hote hai.
  • Santre ke chhilko ko dhup me puri tarah se sukha le.
  • Ab inhe peeskar powder bana le aur usme thoda pani dalkar paste taiyar kare.
  • Is paste ko affected area me lagaye aur 10-15 minute ke liye laga rahne de. Ab chehre ko garm pani se dho le.
8. Aloe Vera Gel

Aloe vera me maujud soothing aur anti-inflammatory properties bhi muhaso se chhutkara dilati hai. Muhaso se hone wale scars ko bhi aloe vera gel khatm karta hai.

Aloe vera gel bajar me asani se mil jata hai. Ise aap ghar par bhi aloe vera ki patti ko katkar nikaal sakte hai. Iska istemal apne chehre par roj 2 baar kare.

9. Methi (Fenugreek)

Methi me anti-inflammatory, antioxidant aur antiseptic properties hoti hai jo muhaso ki rokdham ke liye sahayak hai.
  • Taja methi ki pattiyo ko pani me milakar paste taiyar kare. Is herbal paste ko muhaso wali jagah par lagakar 10 se 15 minute ke liye chhod de. Fir garm pani se chehra dho le. Is process ko lagatar 3-4 din tak apnaye.
  • 1 chammach methi ke beejo ko peeskar powder bana le aur usme garm pani dalkar paste taiyar kare. Raat ko sone se pahle is paste ko chehre par laga le. Subah garm pani se chehra dho le. Ise hafte me 2 ya 3 baar kare.
10. Neem

Neem kai skin problems ke liye faydemand hoti hai. Isme antiseptic aur antimicrobial properties hoti hai jo muhase paida karne wale acteria ko marti hai. Sath hi yah skin redness aur skin breakouts ko bhi thik karti hai.
  • Neem ki pattiyo ko pani ke sath peeskar paste taiyar kare. Ab isme thodi see haldi milakar chehre par laga le. 20 minute baad ise dho le. Is upay ko hafte me kam se kam 2 baar kare.
  • Aap apne chehre par rojana neem ke tel ko bhi laga sakte hai.
Upar diye gaye gharelu upchar bahut had tak muhaso ko dur karne me sahayta kar sakte hai. Acche result pane ke liye apko healthy lifestyle aur niyamit khanpan ki bhi jarurat hai. Yai in upayo se apke muhase thik na ho apne doctor se consult kare.
 
Top