Categories: Health aur Care

Muh Ke Chale Dur Karne Ke 10 Gharelu Tarike in Urdu

Muh me chhale (mouth blisters) hona ek normal problem hai jo kisi ko bhi ho sakti hai. Yah dardnaak chhale safed rang ke hote hai aur laal sujan ke chhalle se ghire hote hai.

Muh ke chhale hone ke karan – irregular khanpan, qabz (constipation), hormonal changes, pet ki gas, kisi vajah se muh ke andar chot lagne par aur kuch cases me yah hereditary ke kaan bhi ho sakte hai. Iske alava nutrients ki kami jaise vitamin B complex, vitamin C, iron aadi ki kami ke karan bhi chhale ho sakte hai.

Yah problem jyada gambhir nahi hoti aur jyadatar cases me 10-12 din me hi thik ho jati hai. Halanki major aur herpetiform ulcer thik hone me jyada time lag sakta hai. Major ulcers jyada gahre hote hai aur 10mm ki chaudai tak ke hote hai. Yadi kai saare chhale ek sath group banakar ho to inhe herpetiform ulcer kahte hai.

Aise kai gharelu ilaj hai jinko apnakar aap muh ke chhalo ko jaldi thik kar sakte hai. Unme se 10 sabse kargar ilaj neeche diye ja rahe hai –

1. Mulethi ki jad

Mulethi ki jad chhalo ke dard ko kam karti hai. Yah mucous membranes par ek protective layer bana leti hai jisse jalan kam hoti hai aur ghav bharne lagte hai. Isme anti-inflammatory aur antimicrobial properties bhi hoti hai.

  • Ek chammach mulethi ki jad ke powder ko do cup pani me ghlkar 3-4 ghante ke liye rakh de.
  • Din me 2-3 baar is pani se muh ka kulla kare.

Aap deglycyrrhizinated licorice (DGL) extract bhi le sakte hai jo chewable tablets ke rup me bajar me milta hai.

2. Nariyal ka dudh (coconut milk)

Nariyal ka dudh chhalo ke dard ko kam karne me kafi faydemand hota hai.

  • Ek chammach nariyal ke dudh me thoda sa shahad mila le. Ab ise chhalo par lagaye. Ise din me 3-4 baar kare.
  • Nariyal ke dudh ko 10 se 15 minute ke liye muh me rakhne se bhi fayda hota hai.

3. Samudri namak aur hydrogen peroxide

Samudri namak aur hydrogen peroxide dono me hi anti-inflammatory, antiseptic aur disinfectant properties hoti hai. Isliye in dono ko alag-alag ya ek sath milakar bhi istemal kiya ja sakta hai.

  • 2 chammach samudri namak aur ek chutki hydrogen peroxide ko ek glass pani me ghol le.
  • Ab is pani ka kulla kar le. Is pani ko piye nahi.
  • Yah process din me 2-3 baar dohraye.

4. Dhaniya ke beej

Dhaniya ke beej muh ke chhalo ke liye natural medicine hote hai. Yah inflammation ko kam karke kafi rahat dete hai.

  • Ek chammach dhaniya ke beejo ko ek cup pani me ubal le.
  • Ab pani ko chhankar thanda hone de.
  • Ise din me 1-2 baar kare.

5. Khane ka soda (baking soda)

Khane ka soda jise sodium bicarbonate bhi kahte hai, muh ke chhalo ko thik karta hai. Khastaur se acidity ke karan hone wale chhalo ke liye yah kafi faydemand hai kyonki yah acid ko neutralize karta hai. Yah inflammation ko bhi kam karta hai aur germs aur bacteria ko khatm karta hai. Dhyan rakhe isse thodi jalan jarur hoti hai.

  • Ek chammach khane ke sode me pani dalkar paste bana le. Ab ise chhalo par laga le.
  • Ise din me 2-3 baar kare.
  • Aap khane ke sode ko directly bhi laga sakte hai.

6. Shahad (honey)

Shahad nami ko banaye rakhta hai aur ghav bharne ki process ko tej karta hai. Shahad me antioxidant aur antimicrobial properties bhi hoti hai.

Rui ko shahad me bhigokar chhalo par rakh le. Aap glycerin aur vitamin E oil ko bhi isi tarah istemal kar sakte hai. Radiation therapy ke karan huye chhalo par manuka shahad ka istemal kare.

7. Aloe vera

Aloe vera gel ya ras ke istemal se chhalo ka dard kam hota hai, ghav jaldi bharte hai aur yah natural antiseptic ki tarah bhi kaam karta hai. Isme antibacterial, antifungal aur antiviral properties hoti hai. Research se pata chala hai ki aloe vera muh ki heath problems jaise muh ke chhale, masude ki sujan, muh ki badbu aadi ko kam karne me kafi faydemand hota hai.

8. Ajwain (celery)

Ajwain ke paudhe ke tane ko sirf chabane se hi muh ke chhale thik hone lagte hai kyonki isme analgesic aur anti-inflammatory properties hoti hai. Iske sath hi isme folic acid aur vitamins B1, B2, B6, C bhi hote hai.

Achhe result pane ke liye ajwain ko chabane ke baad iska guda muh me 1- se 15 minute ke liye rakhe. Yah muh ki badbu ko bhi khatm karti hai.

9. Tulsi

Tulsi chhale bharne ki process ko tej karti hai. Isme antibacterial, antifungal aur antiviral properties bhi hoti hai.

  • Tulsi ki 5 badi pattiyo ko dho le.
  • Ab inhe khub chaba-chabakar khaye.
  • Ise roj subah aur sham kare.

10. Barf (ice)

Chhalo ke dard ko kam karne ke liye barf kafi faydemand hota hai. Dard hone ke dauran barf ke tukde ko kuch der ke liye muh me rakhe, isse dard me apko rahat milegi.

Muh ke chhale dur karne ke anya gharelu ilaj

  • Sada khana khaye aur tale-bhune masaledar khane se dur rahe.
  • Raat ko sote time gaay ke ghee ko chhalo par lagakar soye, fayda milega.
  • Roj subah amrud ke patto ko chabaye, isse chhale puri tarah se thik ho jate hai.
  • Nimbu ke ras me thoda sa shahad dalkar iska kulla karne se bhi chhale thik ho jate hai.
  • Paan ke patto ko sukhakar iska churn bana le aur isme shahad milakar chhalo par lagaye.
  • Pet aur khoon ko saaf karne ke liye pani jyada piye. Pet aur khoon saaf hone par chhale apneap thik ho jate hai.
  • Khana khane ke bad neem ki datun ko chabaye. Isse muh me bacteria apna infection nahi faila payenge aur chhale jaldi thik ho jayenge.

Muh ke chhalo se bache rahne ke liye in bato ka dhyan rakhe

  • Hari sabjiyo aur falo ko jyada khaye.
  • Regularly exercise kare.
  • Raat ko jaldi soye aur subah jaldi uthe.
  • Tale-bhune khane ko kam khaye.
  • Pakhana aur peshab ko jyada der tak roke nahi.
  • Sharab aur smoking se dur rahe.
  • Qabz, acidity aur pet ki gas ki problem ko ignore na kare aur turant ilaj kare

Yadi aap healthy lifestyle ko follow kar rahe hai to apko chhale kabhi bhi nahi honge.

Share