Categories: Health aur Care

Motapa Kam Karne Ke 10 Gharelu Tarike in Urdu

Motapa body me jyada charbi jama ho jane ke karan hota hai. Ise body ke body mass index (BMI) ke jariye napa jata hai. Aamtaur par 18.5 se 25 ke beech ke BMI ko normal mana jata hai aur yadi yah 30 se upar ho jaye to body me motape ki problem ho jati hai.

BMI ko niche diye gaye tarike se napa jata hai –

BMI = body ka vajan kg me / (body ki lambai meter me x body ki lambai meter me)

Motape ki problem jyadatar kharab lifestyle apnane ki vajah se hoti hai, jaise jyada tale-bhune aur fat yukt khane ko khana, jarurat se jyada khana, bahut jyada sharab peena, physical activity kam karna, nind kam lena aur anya buri adate. Genetic aur hormonal problems ke karan bhi pet ki charbi badh sakti hai.

Motape ki problem jitna jaldi ho sake utne jaldi kam karna chahiye kyonki isse body ka vajan to badhta hi hai sath hi iske karan anya bimariya jaise type-2 diabetes, high blood pressure, dil ki bimariya aadi bhi ho sakti hai.

Is problem se ladne ke liye apni lifestyle ko healthy banana bahut jaruri hota hai. Iske sath hi kuch asan gharelu nuskho ke jariye pet ki charbi aur motapa kam karne ki process ko tej kiya ja sakta hai. Yaha par 10 sabse kargar gharelu nuskhe diye ja rahe hai –

1. Nimbu pani (lemon juice)

Nimbu pani ko motapa karne me sabse kargar gharelu nuskha mana jata hai. Yah pachan ko thik karta hai aur detoxification ko badhata hai. Charbi kam karne ke liye digestion process ka thik hona sabse jyada jaruri hota hai, kyonki yah body ke extra fat ko jalane ke liye jaruri nutrients pradan karta hai. Sath hi yah metabolism ko kam karne wale toxic substances ko body se bahar nikalne me bhi help karta hai.

  • Teen chammach nimbu ka ras, ek chammach shahad aur adha chammach kali mirch ke powder ko ek glass pani me dalkar ghole. (yadi kali mirch jyada teekhi ho to 1/4 chammach milaye)
  • ise roj subah khali pet piye.
  • Ise kam se kam teen mahino tak lagatar piye.

Aap nimbu ke ras ko sirf pani me milakar bhi pee sakte hai.

2. Seb ka sirka (apple cider vinegar)

Kachha aur bina chhana hua seb ka sirka bhi motape ko karne ka kafi popular nuskha hai. Halanki vajan kam karne me yah kis tarah se help karta hai iska sahi pata to aaj tak nahi chal paya hai lekin kuch research se yah jarur sabit hua hai ki yah body me charbi ko badhne se rokta hai. Yah fat ko todne ki process me help karke use body me jamne se rokta hai.

  • Ek chammach kachhe aur bina chhane huye seb ke sirke ko ek glass pani me milaye. Ise roj subah khali pet le.
  • Aap ek chammach seb ke sirke ko ek nimbu ke ras aur ek glass pani ke sath milakar bhi le sakte hai.

Note: Seb ka sirka ko din me do chammach se jyada na khaye. Isse jyada lene par aage chalkar apki body me potassium ka level aur haddiyo me minerals ki density kam ho sakti hai.

3. Aloe Vera

Aloe vera bhi motapa kam karne me faydemand hota hai kyonki yah metabolism ko stimulate karta hai, energy consumption ko badhata hai aur body ke extra fat ko jalane me help karta hai. Isme natural collagen protein hote hai jo body ko protein sokhne ke liye jyada mehnat karwate hai. Sath hi, yah digestive system aur pet se toxic substances ko bahar nikalne me help karte hai.

  • Do taja aloe vera ki pattiyo me se guda nikaal le.
  • Ab ise ek cup pani me dalkar milaye. (yadi possible ho to pani ki jagah aap santre ke juice ya angur ke juice ka istemal bhi kar sakte hai)
  • Teen minute ke liye ise achhi tarah se gholne ke baad pee le.
  • Ise kam se kam ek mahine ke liye roj le.

4. Green tea

Green tea bhi vajan kam karne ki process me kafi popular upchar hai. Abhi haal hi me ek research se yah pata chala hai ki green tea me epigallocatechin-3-gallate (EGCG) naak ka compound paya jata hai jo body me fat ke absorption ko kam karta hai aur extra fat ko kam karne me help karta hai.

Iske sath-sath green tea me anya nutrients jaise vitamin C, carotenoids, zink, selenium, chromium aur anya jaruri minerals bhi paye jate hai.

Vajan kam karne ke liye roj teen cup green tea ka sevan kare. Aap ise adrak ki chaay ya laal mirch ke sath milakar bhi le sakte hai.

5. Laal mirch (Cayenne pepper)

Laal mirch bhi motapa aur vajan kam karne me help karti hai. Isme capsaicin naam ka component paya jata hai jo body ko fat jalane aur energy consumption badhane ke liye stimulate karta hai. Sath hi yah digestion ko bhi thik karta hai aur body me nutrients ke kam absorption ke karan paida hui extra bhukh ko rokta hai.

  • Roj laal mirch ki chaay piye. Shuru me ek glass pani me 1/2 chammach laal mirch ko dalkar chaay banaye aur dhire-dhire iski quantity ko ek chammach laal mirch mirch tak laaye. Adhik fayda lene ke liye isme aadhe nimbu ko nichodkar dale. Is chaay ko kam se kam ek mahine tak roj piye.
  • Apne khane me bhi laal mirch aur anya masalo jaise adrak, kali mirch, sarso ke beej aadi ko shamil kare.

6. Curry ke patte

Roj subah 10 taja curry e patto ka ko khane se motapa aur iske karan hui diabetes me kafi fayda milta hai. Is ilaj ko teen-char mahino ke liye roj kare.

Curry ke patto me mahanimbine naak ka alkaloid paya jata hai jiske body par anti-obesity aur lipid-lowering effects hote hai. Isliye yah body ke vajan ko kam karne me help karte hai aur sath hi total cholesterol aur triglycerides ke level ko kam karte hai.

7. Tamatar (tomato)

Tamatar body ke hormones ke level ko thik karta hai aur extra bhukh ko kam karta hai. Roj subah khali pet do tamatar khaye. Dhyan rakhe tamatar ko iske chhilke aur beejo ke sath khaye kyonki inhi me jaruri fiber hota hai.

Sath hi tamatar me vitamin A, C aur K, aur magnesium, manganese, choline, folate aur anya nutrients hote hai jo body ki health ke liye faydemand hai. Iske alava tamatar me antioxidant hote jo cancer se bachate hai.

8. Pattagobhi (cabbage)

Pattagobhi ko bhi apko motapa kam karne wali diet me shamil kare. Isme tartaric acid hoti hai jo sugar aur anya carbohydrates ko fat me badalne se rokti hai. Sath isme vitamin C aur fiber jyada hote hai aur calories kam hoti hai.

Cruciferous vegetables hone ke karan isme phytochemicals hote hai jo estrogen metabolism ke balance ko thik karte hai. Estrogen metabolism ka balance bigadne par breast cancer, ovarian cancer aadi ki possibility badh jati hai. Isme other cruciferous vegetables jaise phoolgobhi, broccoli, brussel sprouts aur swiss chard ko khana bhi faydemand hota hai.

9. Saunf (fennel)

Saunf ke beejo me diuretic properties hone ke karan ise bhi motapa kam karne me faydemand mana jata hai.

  • Saunf ke beejo ko pahle sukhakar bhun le aur peeskar powder bana le. Ab is powder ko chhalni se chhan le. Is powder ko roj din me do baar dedh-dedh chammach lekar garm pani ke sath le.
  • Aap khane ke 15 minute pahle saunf ki chaay bhi pee sakte hai.

10. Shahad aur dalchini

Shahad aur dalchini ki chaay lene se metabolism tej hota hai, energy badhti hai aur body ke toxic substances bahar nikal jate hai. Shahad fat ke metabolism ko bachakar motapa se ladta hai. Dalchini insulin resistance se ladkar bhukh ko kam karti hai.

  • Ek cup garm pani me dedh chammach dalchini milaye.
  • Ab isme ek chammach organic shahad milaye.
  • Iski adhi quantity ko subah khali pet sevan kare aur aadhi quantity ko raat ko sone se pahle le.

Motapa kam karne ke liye upar diye gaye ilajo ko regularly kare aur sath hi roj kam se kam 8 glass pani piye jisse body ke toxic substance bahar nikal jaye.

Share