Categories: Health aur Care

Heart Attack Ke Alamat, Karan aur Bachne Ke 7 Tarike in Urdu

Heart attack ko urdu me dil ka daura padna kahte hai. Ise medical language me myocardial infarction ya acute myocardial infarction kaha jata hai. Heart attack tab hota hai jan heart me blood circulation thik se hona band ho jata hai aur iski muscles ko jarurat anusar oxygen na milne ke karan vah kaam karna band kar deti hai. Heart attack hone se pahle iske kai warning signals milte hai jinko thik se pahchan kar aap iske aane ka pata laga sakte hai.

Heart attack aane se pahle ke signals

  • Achanak chhati me dard hona (sudden chest pain): Dil ka daura padne se pahle apko chhati ke beech me ya left side me achanak dard ho sakta hai. Jyadatar yah dard kuch minutes ke liye rahta hai aur fir chala jata hai, kuch samay baad yah dard fir se shuru ho jata hai. Is dauran apko chhati me pressure, nichod (squeezing) aur bharapan (fullness) ki feeling ho sakti hai. Aksar log ise heartburn ya badhazmi ki problem samajhte hai.
  • Body ke upari bhag me bechaini ya takleef feel hona (discomfort in upper body parts): apko apni body ke upari hisse me dard yah takleef ki feeling ho sakti hai jaise hath, peeth, kandhe, gardan, jabde ya anya upari body parts me dard hona.
  • Saans fulna ya sanso me kami ana (shortness of breath): dil ka daura padne se pahle apki sanse ful sakti hai aur saans lene me takleef feel ho sakti hai. Yah problem chhati me dard ke sath-sath ho sakti hai.
  • Chakkar ana (dizziness): yadi apko baar-baar chakkar aa rahe hai ya ankho ke samne andhera chha raha hai to turant doctor ke paas jaye kyonki yah heart attac aane ka shuruati symptom ho sakta hai.
  • Thanda paseena ana (cold sweat): Dil ka daura padne se pahle apko bina kisi karan thanda paseena aa sakta hai.

Heart attack aane ke anya shuruati symptoms hai – bina kisi karan thakan feel hona, jee machalna (nausea), ulti ana (vomiting), bechaini feel hona, jyada tension hona ya marne ka dar lagna aur unhealthy hone ki normal feeling hona.

Chunki heart attack ke symptoms har vyakti me alag-alag ho sakte hai. Yah symptoms itne alag-alag hote hai ki kai logo ko pata hi nahi chalta ki unko heart attack ane wala hai.

Sath hi, khawateeno me dil ka daura padne se pahle chhati me dard hone ki kafi kam possibility hoti hai, unme jyadatar anya symptoms hote hai jaise unusual fatigue, pet ki problems jaise apach ya badhazmi, jee machalna aur gardan, kandho, peeth aadi me dard ya pressure feel hona.

Heart attack ke karan (risk factors of heart attack in urdu)

Jin logo ko niche dee hui problems hoti hai unme dil ka daura padne ki possibility jyada hoti hai –

  • badhti umra (aging)
  • smoking
  • lipid ka level abnormal hona
  • diabetes
  • high blood pressure
  • exercise ya physical activity kam karna
  • motapa
  • lambe time se koi kidney ki bimari hona
  • bahut jyada sharab peena
  • cocaine aur amphetamines ka upyog karna

Heart attack ki possibility ko rokne ke tips in urdu

Dil ka daura padna ya heart attack aana kaafi ghatak problem hoti hai. Lekin aap kuch preventive measures iski possibility ko kam kar sakte hai. Yaha par dil ke daure ki possibility ko kam karne wale 10 sabse kargar preventive measures diye ja rahe hai

1. Informed rahe

Apni health ke prati ignorance hone par dil ki bimari ya anya problems hone ki possibility kafi badh jati hai. Isliye, heart attack ko rokne ka sabse achha tarika hota hai iske me puri information rakhna aur alert rahna.

Kuch risk factors jaise high blood pressure, high cholesterol, diabetes, motapa, jyada sharab peena, physical activity me kami (jaise aalas), smoking, stress aadi ko control karke heart attack ki possibility ko kam kiya ja sakta hai.

Sath hi, yadi apkokoi health problem hai to uske bare me doctor se advice le aur uski bato ko hamesha dhyan me rakhe. Doctor ke dwara dee gai medicines ko niyam anusar le.

Time ke sath-sath har bimari ke ilaj ke naye ilaj aur medicines aate rahte hai, isliye iske bare me information lete rahe. Iske sath hi, hamesha apne ghar par ek gaadi aur driver taiyar rakhe jisse heart attack aane ki situation me turant doctor ke paas jaya ja sake.

2. Smoking na kare

Smoking ya anya kisi prakar ka tambakhu lene se dil ki bimari hone ki possibility badh jati hai. 2009 me Journal Atherosclerosis me publish hui ek report ke anusar dil ke marij yadi smoking chhod de to unke jaldi thik hone ki process kafi badh jati hai aur heart attack aane ki possibility kafi kam ho jati hai.

Tambakhu me harmful chemicals hote hai jo blood cells ko damage kar dete hai, jisse result me dil kamkaj aur blood vessels par bura asar padta hai. Iske sath hi, smoking karne se lung disease, peripheral vascular disease aur stroke hone ki possibility bhi badh jati hai.

Dil ya lungs se related koi bhi problem hone par bilkul bhi smoking na karna thik hota hai. Isliye yadi aap smoking karte hai to aaj hi ise chhod de.

3. Dil ke liye faydemand diet le

Dil ke liye faydemand diet lene se heart attack ki possibility kafi kam ho jati hai. Yaha tak ki sahi khana khane se aap kisi bhi prakar ki heart problem se bach sakte hai. Nutrients se bharpur food products jinme vitamins, minerals, fiber aur anya nutrients ho aur calories kam ho, ko jyada le.

  • Roj kam se kam 5 type ki sabjiya aur 2 type ke falo ko khaye.
  • Apne break fast me high fiber wale anaj khaye.
  • Anaj, faliya aur sabut anaj se yukt food products jyada khaye aur bahut jyada fat wale products na khaye.
  • Hafte me kam se kam do baar cold-water fish jaise salmon aur tuna fish khaye.
  • High-fat aur high-sugar wale products ko na khaye aur namak ko bhi kam khaye.
  • Healthy cooking oil jaise jaitun (olive), surajmukhi (sunflower) aur safflower oil ka upyog kare.
  • Jyada tale-bhune khane ki jagah ubale khane ko khaye.

4. Daily exercise kare

Daily exercise karne se blood ka circulation thik rahta hai aur heart attack aane ki possibility kam hoti hai. Isliye aap jitna jyada exercise karenge utna hi apka heart healthy rahega.

Rgularly exercise karne se heart ke liye kai fayde hote hai jaise motapa, blood pressure aur high cholesterol ka hota hai. Aap roj kam se kam 30 minute ke liye jogging, swimming, walking aadi karke apne heart ko healthy rakh sakte hai.

5. Motape ko control kare (maintain healthy body weight)

Body ka jyada mota hone par, khastaur se kamar me jyada fat hone par high cholesterol, high blood pressure aur insulin resistance ki possibility badh jati hai. Yah sabhi problems dil ki bimari ka karan banti hai.

Aap apni body ke BMI ko naapkar apne motape ka andaja laga sakte hai. 18.5 aur 25 ke beech ka BMI healthy hota hai. Yadi apka BMI 30 se upar hai to aap motape ke shikar hai.

Sath hi, jin purusho ki kamar ka naap 40 inch se jyada aur jin khawateeno ki kamar ka naap 35 inch se jyada hota hai, vah motape ka shikar hote hai.

Yadi aap pahle se hi motape ke shikar hai to motapa karne ke upay kare. Vajan kam karne ki process ko dhire-dhire kare aur bahut jyada dieting se bache. Iske liye aap experts ki advice bhi le sakte hai.

6. Stress aur depression ko control kare

2014 me University of Peterborough me hui ek study ke anusar stress, tension aur depression ke karan heart ke kamkaj par bura asar padta hai aur heart attack aane ki possibility badh jati hai. Stress ke karan man me negative thoughts badhne lagte hai jisse body me cytokines naam ke chemical compound ki quantity badhne lagti hai. Cytokines pro-inflammatory chemical hote hai jo dil ki bimari hone ki possibility ko badha dete hai.

Sath hi, stress se grasit logo ko aksar anya buri adate jaise smoking, sharab aur irregular khanpan ki lat ho jati hai.

Yadi apko stress ya depression hai to iske karan ka pata lagaye aur us karan ko jyada se jyada avoid karne ki koshish kare. Apne man me negative thoughts ko aane se rokne ka sabse achha upay hai apneaap ko jyada se jyada busy rakhna aur regularly meditation karna.

7. Puri nind le

Nind ki kami ke karan body ki puri health par bura asar padta hai. Jin logo ko nind na ane ki problem hoti hai ya sote time baar-baar sans fulti hai, unme lungs aur veins damage hone ki possibility kafi badh jati hai. Iske result me heart attack, high blood pressure aur congestive heart failure hone ki possibility badh jati hai.

Jyadatar adult logo ko 6 se 8 ghante ki nind jaruri hoti hai.

Aap apni nind ko badhane ke liye kuch easy tarike apna sakte hai, jaise sone ka ek time table bana, sone se pahle caffeine (chaay, coffee aadi) na lena, regular exercise karna aur meditation karna. Yadi apko fir bhi sone me problem hai to apne doctor se uchit janch karaye.

Share