Categories: Health aur Care

Dark Circles Dur Karne Ke 10 Gharelu Tarike in Urdu

Ajkal kai logo ki ankho ke neeche aur aspas kale ghere ya dark circles ho jate hai. Dark circles chhoti umra me bhi ho sakte hai. Lekin jyadatar yah adult logo me hi hote hai.

Ankho ke kale ghere hone ke mukhya karan hai – hereditary, excessive smoking, neend ki kami (inadequate sleep), irregular diet, jyada sharab peena, pollution aur allergy. Pregnancy, menstrual cycle aur menopause ke dauran hone wale hormonal imbalance ke karan bhi dark circles ho sakte hai.

Market me ajkal kai aise products maujud hai jo ankho ke kale ghero ko thik kar sakte hai. Lekin inme se jyadatar products kafi expensive hote hai aur inme kai harmful chemicals mile hote hai jo apki skin aur health dono ko nuksan pahuncha sakte hai. Isliye in kale ghero se chhutkara pane ke liye apko gharelu uchar apnana chahiye kyonki inke koi bhi harmful sife effects nahi hote aur bina kisi extra kharch ke asani se ghar par hi kiye ja sakte hai.

Yaha par dark circles ko thik karne ke 10 sabse kargar gharelu upay diye ja rahe hai –

1. Khira (cucumber)

Khira ko dark circles ke ilaj me kafi faydemand mana jata hai aur sabhi doctors sabse pahle isi ka istemal karne ki advice dete hai. Isme cooling aur astringent properties hoti hai jo skin ko gora karti hai, blood circulation ko badhati hai aur puffiness ko kam karti hai.

  • Ek khira ko mote-mote slices me kaar le aur fir fridge me kuch der thanda hone ke liye rakh de. Ab ek-ek slice ko apni dono ankho par 10 se 15 minute ke liye rakhe. Is dauran seedhe lete rahe taki skin aur khira ka contact achhi tarah se ho sake. Iske baad us area ko halke garm pani se dho le. Is ilaj ko roj din me 2 baar kare.
  • Ek chhote se khire ko peeskar juice nikaal le aur kuch minute ke liye fridge me thanda hone ke liye rakh de. Ab isme ek rui ka tukda bhigoye aur apni ankho ke aspas lagaye. Ab 15 minute ke liye ise aisa hi chhod de taki skin is juice ko achhi tarah se sokh sake. Iske baad skin ko halke garm pani se dho le. Ise bhi din me 2 baar kare.
  • Ankho ke kale ghere dur karne ka ek aur upay hai – khira ka juice aur nimbu ke juice ko equal quantity me milaye. Ab isme ek rui bhigokar dark circle wali jagah par lagaye. Ab ise 15 minute ke liye chhod de aur fir pani se dho le. Is ilaj ko din me ek baar kare.

2. Aloo (potato)

Aloo me natural bleaching properties hoti hai jo dark circles ko halka karne me help kar sakti hai. Yah ankho ke aspas hone wali puffiness ko bhi thik karne me help karti hai.

  • 2 aloo ko ek ghante ke liye fridge me thanda hone ke liye rakh de.
  • Ab inhe chheel le aur peeskar juice nikaal le.
  • Roj raat ko sone se pahle ek rui ke tukde ko is juice me bhigokar ankho ke kale ghero par lagaye. Subah inhe garm pani se achhi tarah se dho le.
  • Sudhar dekhne ke liye is ilaj ko lagatar 2 hafto ke liye roj kare.

3. Green tea bags

Antioxidant aur tannins se bharpur hone ke karan green tea bags kale ghero ko gora karne me kafi help karte hai. Inme maujud tannins sujan aur puffiness ko bhi dur karta hai.

  • 2 green tea bags ko dedh chammach pani me 10 minute ke liye ubale.
  • Ab tea bags ko bahar nikaal le aur fridge me dedh ghante ke liye thanda hone ke liye rakh de.
  • Ab in tea bags ko apni ankho par 15 minute ke liye rakhe.
  • Is ilaj ko roj din me 2 baar kare.

4. Gulab jal (rose water)

Gulan jal skin ko gora aur healthy rakhne ke liye kafi faydemand hota hai. Yah antioxidants ka kafi achha source hota hai jo skin cells ko majbut banata hai, skin tissue ko badhata hai aur skin ko java banata hai.

  • Ek rui ke tukde ko gulab jal me bhigoye aur apni ankho ke aspas rakh de.
  • Ise 15 minute ke liye rakhne ke baad halke garm pani se dho le.
  • Ise roj subah aur sham ek-ek baar kare.

5. Badam tel (almond oil)

Badam ka tel bhi ankho ke aspas ki skin ko gora banane me help karta hai. Isme bharpur vitamins aur minerals hote hai jo skin ko nam aur java banaye rakhne me help karte hai.

  • Roj sone se pahle 5-6 badam ke tel ki bundo ko dark circles par dalkar malish kare. Subah uthkar ise thande pani se dho le. Is ilaj ko roj tab tak kare jab tak ki kale ghere puri tarah se khatm na ho jaye.
  • Ya fir, badam ke tel ki 5-6 bundo ko ek chammach shahad me milaye. Ab sone se pahle ise ankho ke kale ghero par lagaye aur ratbhar laga rahne de. Subah uthkar garm pani se ise dho le.

6. Dudh (milk)

Dudh me lactic acid hoti hai jo ankho ke neeche ki skin ko soft aur moisturize banane me help karti hai. Sath hi dudh me protein, enzymes, amino acids aur antioxidants bhi paye jate hai jo skin ko healthy aur majbut banaye rakhne ke liye jaruri hote hai. Dark circles aur eye puffiness ko dur karne ke liye dudh ko thande shake ki tarah istemal kiya ja sakta hai.

  • Pahle dudh ko fridge me thanda kar le. Fir isme ek rui ka tukda bhigoye.
  • Ab is rui ko apni ankho ke neeche ki skin par rakh de. Ise tab tak rakha rahne de jab tak ki yah thanda rahe.
  • Is ilaj ko roj 2-3 baar dohraye.

7. Tamatar (tomato)

Tamatar bhi ankho ke kale ghere dur karne me kafi faydemand hota hai. Isme lycopene naam ka antioxidant paya jata hai jo dark circles ko halka karne me help karta hai.

  • Ek tamatar ko guthkar paste bana le.
  • Ab isme ek chammach nimbu ka ras, ek chutki haldi aur 2 chammach anaj ka aata mila de.
  • Ab is paste ko dark circles par laga le.
  • 15 minute baad ise halke garm pani se dho le.
  • Ise har hafte 2 ya 3 baar kare.

8. Pudina (mint)

Pudina me cooling effect hote hai jo ankho ki thakavat ko kam karke kale ghere hone se rokta hai.

  • Ek mutthi taja pudina ki pattiyo ko peeskar paste bana le.
  • Ab adhe nimbu ko isme nichod de.
  • Is paste ko dark circles par lagaye.
  • 10 se 15 minute ise garm pani se dho le.
  • Ise roj din me ek baar kare.

9. Nariyal ka tel (coconut oil)

Nariyal ka tel ankho ke neeche ki najuk aur patli skin ko andar tak moisturize karne me help karta hai jisse dark circles ka rang safed hone lagta hai.

  • Raat ko sone se pahle nariyal ke tel ko ankho ke aspas ki skin par lagakar halke-halke malish kare.
  • Ise ratbhar laga rahne de aur fir subah garm pani se dho le.
  • Is ilaj ko roj kare. Hafte bhar ke andar hi apko fark najar ane lagega.

10. Methi ke beej

Methi ke beejo me bahut jyada vitamin C, potassium aur protein paye jate hai jo dark circles ko gora karne me help karte hai. Sath hi, yah skin ke pH level ko bhi balance karte hai, jo skin tone ko banaye rakhne ke liye jaruri hota hai.

  • 2 chammach methi ke beejo ko 2-3 ghante ke liye pani me dubokar rakh de.
  • Ab in beejo ko peeskar paste taiyar kare.
  • Iske baad isme dedh chammach haldi powder aur fir ek chammach kachha dudh mila de.
  • Ab is mixture ko apni ankho ke aspas lagaye.
  • 15 minute ke baad ise thande pani se dho le.
  • Is ilaj ko roj dohraye. Hafte bhar me apko difference dikhne lagega.

Ankho ke neeche ke kale ghere hatane ke liye upar diye gaye ilajo ko regularly apnaye. Yah ilaj bahut hi kargar hote hai aur inka koi side effect bhi nahi hota.

Share