Categories: Health aur Care

Cancer Ke Symptoms aur Bachne Ke 7 Tarike in Urdu

American Institute of Cancer Research ke anusar duniya ke total cancer cases me se lagbhag 1/3 cases ko healthy lifestyle apnakar roka ja sakta hai.

Cancer tab hota hai jab body ke cells me kisi karan abnormal growth hone lagti hai. Is abnormal growth ka sabse mukhya karan hai – kuch important gene, khastaur se cells ke DNA ka damage ho jana ya unme mutation hona.

Genes ko damage karne wale mukhya karan hai – smoking, poor diet, infection, cancer paida karne wale chemicals aur ultraviolet rays ke direct contact me aa jane ke karan.

Cancer ke symptoms (Alamat)

  • Achanak vajan kam hona – jyadatar cancer ke marijo me achanak bina kisi karan vajan kam ho jata hai. Medical language me ise unexplained weight loss kaha jata hai. Achanak 4kg ya isse jyada vajan kam hona cancer ka shuruati signal ho sakta hai. Yah problem jyadatar pancreatic cancer, stomach cancer (pet ke cancer), esophagus cancer aur lung cancer me hoti hai.
  • Bukhar (fever) ana -Cancer ke lagbhag sabhi marijo me bar-bar bukhar ane ki problem kafi aam hai. Cancer jitna jyada fail jata hai bukhar ane ki intensity bhi utni hi jyada hoti hai, khastaur se tab jab cancer ne immunity system par apna effect dala ho. Immunity power kam hone ke karan body ki andar se infection se ladne ki takat kam ho jati hai aur baar-baar bukhar ane lagta hai. Blood cancer jaise leukemia aur lymphoma me bukhar aane ki problem jyada hoti hai.
  • Bahut jyada thakan feel hona – Bahut jyada thakan hona jo khub aram karne ke bad bhi na jaye to yah bhi cancer hone ka ek important signal ho sakta hai. Thakan hone ka main reason hota hai cancer ke karan blood ya energy me kami ho jana.
  • Dard hona – Kuch cancers jaise haddiyo ke cancer ki shuruat me dard hota hai. Sar me dard hona jo ilaj karne ke baad bhi thik na ho to yah brain tumor ka symptoms ho sakta hai. Pet (colon), malashay (rectum) ya andashay (ovary) ke cancer me peeth ya kamar dard ki problem ho sakti hai. Lekin jyadatar mamlo me dard tab hota hai jab cancer kafi badh gaya ho.
  • Skin me changes ana – Skin cancer hone par skin par iske signal dekhe ja sakte hai. Yah signal nimn ho sakte hai – skin me kalapan ana (hyperpigmentation), skin ka peela padna (peeliya), skin par laal-laal chakatte padna (erythema), khujli hona (itching) aur skin par bahut jyada baal ugna (excessive hair growth).

Note – upar diye gaye symptoms jyadatar cancer ke marijo me paye jane wale shuruati signal hai. Iske alava alag-alag cancer ke type me alag-alag symptoms hote hai.

Cancer se bachne ke upay

Kuch upayo ko apnakar aur lifestyle me changes lakar cancer ki bimari se bacha ja sakta hai. Yaha par cancer se bachne ke 10 sabse kargar gharelu nuskhe diye ja rahe hai –

1. Smoking na kare (stop smoking)

Cigarette ya beedi peene se lung ka cancer hone ka sabse jyada khatra hota hai. Smoking karne se other cancer jaise muh, gale (esophagus), liver, pet, intestine, bladder, pancreas, kidney, cervix, andashay (ovary), naak aur sinus ka cancer hone ki possibility bhi badh jati hai. Yah kuch type ki leukemia bimari ka karan bhi ban sakta hai.

Cigarette me maujud kai chemicals jaise benzene, polonium-210, benzo[a]pyrene aur nitrosamines ke karan DNA aur cancer se bachane wale genes damage ho sakte hai.

Cigarette me chromium bhi hota hai jo benzo[a]pyrene ko DNA damage karne me help karke situation aur jyada bigad deta hai. Sath hi, isme arsenic aur nickel hote hai jo damaged DNA ki repairing process me badha dalkar damaged cells ko cancer cells me badal dete hai.

Isliye smoking ko puri tarah se chhod dena chahiye aur smoking kar rahe logo ke dhuye ke contact me aane se bachna chahiye. Kuch natural upayo ko apnakar ise chhodne ki process ko easy banaya ja sakta hai.

Kyoto Prefectural University of Medicine me hui ek study ke anusar acupuncture treatment se nicotine ki adat ko kam kiya ja sakta hai kyonki yah plasma aur brain tissue me serotonin level ko badha deta hai. Acupuncture ek natural treatment hota hai jisme skin ko sui se chubhoya jata hai. Iski jyada information ke liye kisi expert se salah le.

Hypnotherapy se bhi smoking ki adat ko chhoda ja sakta hai. Isle alava meditation aur hatho aur kaano ki malish karna bhi faydemand hota hai.

2. Sharab kam piye ya puri tarah se chhod de

Kai research se yah pata chala hai ki sharab peene se oral cavity, esophagus aur larynx ka cancer hone ki possibility kafi jyada badh jati hai. Iske alava, iske karan pet, malashay (rectum), liver, breast aur andashay (ovary) ka cancer bhi ho sakta hai.

Sharab peene se tissue damage ho jate hai, cells ka DNA change ho jata hai aur dhire-dhire cancer paida ho jata hai. Yah DNA ko repair hone se bhi rokta hai aur tumor immune surveillance ko daba deta hai.

Isliye sharab peene se bache aur cancer ki possibility ko kam kare. American Cancer Society ke anusar har 24 ghanto me purusho ko 2 drinks aur khabateeno ko 1 drink se jyada sharab nahi peena chahiye.

3. Physically active rahe

Regularly exercise karne se body ki activity thik rahti hai jisse dil ki bimari, diabetes aur cancer ki possibility kam ho jati hai.

Motapa kai type ke cancer ka sabse mukhya karan hota hai. Physically active rahne se hormone level thik rahta hai aur immune system thik se kaam karta hai.

2014 me American Journal of National Cancer Institute me publish hui ek report ke anusar physical inactivity ya bahut jyada alas ke karan colon, endometrial aur lung cancer hone ki possibility kafi jyada badh jati hai.

Roj kam se kam 75 minute ke liye heavy exercise jaise running, playing aadi kare aur 150 minute ke liye light exercise jaise walking, ghar ke kamkaj aur gardening aadi kare.

Sath hi, ek hi jagah par jyada der tak baithe na rahe aur jyada der tak TV na dekhe aur na hi mobile chalaye.

4. Vajan ko control me rakhe

Jyada vajan wale ya mote logo me cancer hone ki possibility jyada hoti hai. Motapa fat tissues ke physiological function me changes aane ke karan ban sakta hai jisse insulin resistance aur chronic inflammation badh jata hai. In factors ke karan different type ke cancer hone ki risk badh jati hai.

Yadi apki body me extra fat hai to ise kam karne ke liye jaruri kadam uthaye.

5. Suraj ki nuksandeh rays se bache

Suraj ki nuksan pahuchane wali ultraviolet (UV) rays se melanoma naak ka sabse khatarnak cancer ho sakta hai. Ultraviolet rays me high energy hoti hai jo atom aur molecule se electron nikalkar unhe ionizing radiation me badal deti hai. Yah radiation cells ke DNA ko damage kar dete hai jisse skin cancer ho jata hai.

Lekin subah ki suraj roshni me 15 minute ke liye baithna faydemand hota hai kyonki isse hamari body ko vitamin D milta hai. Sath hi, subah ki suraj ki roshni me ultraviolet rays ki quantity kafi kam hoti hai, isliye inse koi nuksan nahi hota.

Skin cancer se bachne ke liye dopahar ko dhup me na nikle, khastaur se garmi ke mausam me. Yadi dopahar ko nikalna jyada jaruri hai to apni body ko jitna ho sake utna dhak le aur ankho par sunglasses laga le. Aap apki skin par sunscreen cream bhi laga sakte hai.

6. Regularly doctor se janch karate rahe

Regularly health checkup karate rahne se cancer ki initial state me hi pata lagaya ja sakta hai, jisse vah gambhir rup nahi le pata aur asani se control ho jata hai.

Yadi aap 40 saal se jyada umra ki khawateen hai to har saal ek baar breast cancer ki janch jarur karaye.

45 saal se upar ke har ek vyakti (purush ya khawateen) ko pet ke cancer ki janch karate rahna chahiye.

7. Bahut jyada antibiotic medicines ka prayog na kare

Antibiotics sirf bacterial infection ko rokne ke kaam aati hai. Yah kuch virus ke dwara failaye gaye cold aur influenza ko thik nahi kar sakti. Isliye inka jyada upyog na kare.

Antibiotics ko jyada khane se body ki cancer se ladne ki takat kam ho sakti hai. Sath hi, antibiotics intestine aur pet me maujud faydemand bacteria ko bhi khatm kar deti hai jisse khana tik se nahi pach pata aur body ko jaruri nutrients nahi mil pate.

Intestine me faydemand bacteria ko badhane ke liye probiotic (live microorganisms jinke health benefits hote hai) se bharpur food products jaise dahi (yogurt), khatti gobhi (sauerkraut) aur kimchi ko jyada khaye.

8. Healthy diet khaye

Regularly healthy diet lene se body to healthy rahti hi hai sath hi cancer ki possibility bhi kam ho jati hai.

  • Jyada calorie wale aur fat yukt food products jaise aloo chips, parathe, tala-bhuna khana aadi na khaye. Inki jagah hari sabjiya aur falo ko jyada khaye.
  • Jyada sugar wale food products jaise cold drinks, candy, meethi chaay aadi na le.
  • Processed meat jaise red meat, hot dogs, sauce aadi ko bhi na khaye.
  • Refined anaj ki jagah sabut anaj se bane food products ko jyada khaye.

Upar diye gaye upayo ko regularly apnane se aap cancer ki bimari se bach rah sakte hai. Aadhe se jyada cancer ke cases irregular lifestyle aur diet ke karan hote hai, isliye healthy lifestyle apnaye, regularly exercise kare aur healthy khana khaye.

Share