Categories: Health aur Care

Badhazmi Dur Karne Ke 10 Gharelu Tarike in Urdu

Badhazmi ko easy language me apach ya khatti dakar ana bhi kahte hai. Jab pet me khana pachaane wale juice ka secretion thik se nahin hota to khana thik se pach nahi pata aur khatti dakare aane ki problem ho jati hai. Normally badhazmi ki problem masaledar ya fat wala khana khane se ya fir apni capacity se jyada khana khane se hoti hai.

Iske hone ke anya karan hai – Gastroesophageal reflux disease (GERD), irritable bowel syndrome, tension ya depression, motapa, ulcer, pet me infection, thyroid bimari, smoking aur kuch medicines ke side effects ke karan.

Badhazmi ke kuch symptoms hai – pet ki gas, pet fulna, pet ka gurrana, pet me dard hona, pet ke upary hisse ya chhati me jalan hona, jayka acidic hona aur ulti ana.

Aap apne ghar me maujud kuch foods ka istemal karke asani se badhazmi ke symptoms ko thik kar sakte hai. jaise badhazmi hone par turant thoda sa pani pee le kyonki pani pet ke pH ko thik karke kuch time ke liye rahat pradan karta hai.

Niche badhazmi ko thik karne ke liye 10 sabse kargar ilaj diye ja rahe hai –

1. Seb ka sirka (apple cider vinegar)

Pet ko thik karne ke liye apple cider vinegar kafi faydemand hota hai. Halanki acidic nature ka hone par bhi pet par iska basic effect hota hai jo apach ko thik karta hai.

  • Ek chammach raw apple cider vinegar ko ek cup pani me ghol ke.
  • Ab isme ek chammach shahad mila de.
  • Is mixture ko din me 2 se 3 baar banakar le.

2. Saunf ke beej

Jyada masaledar aur fat wala khana khane ke karan hui badhazmi ko thik karne me saunf kafi fayda deti hai. Saunf me volatile oil hote hai jo jee machalne aur pet fulne ki problem ko thik karte hai.

  • Sukhe saunf ke beejo ko peeskar chhan le. Is powder ko ek chammach lekar pani ke sath piye. Is nuskhe ko din me 2 baar kare.
  • Aap saunf ki chaay bhi pee sakte hai. 2 chammach saunf ke beejo ko ek cup garm pani me dalkar chaay banaye.
  • Aap saunf ko chabakar bhi kha sakte hai.

3. Adrak

Adrak pet me pachak raso aur enzymes ke secretion ko badhata hai. Yah property adrak ko badhazmi me kafi kargar medicine banata hai, khastaur par tab jab jyada khane ki vajah se badhazmi hui hai.

  • Badhazmi se bache rahne ke liye roj khana khane ke baad adrak ke slices par namak chhidakkar chabakar khaye.
  • Do chammach adrak ke ras me ek chammach nimbu ka ras aur ek chutki namak milaye. Jab bhi apka pet kharab ho to ise bina pani ke le.
  • Aap do chammach adrak ke ras ko ek chamach shahad aur ek cup garm pani me milakar bhi le sakte hai.
  • Adrak ko apne khane me milakar khane se bhi badhazmi nahi hoti.

4. Khane ka soda

Pet me acid ka level high hone par bhi aksar badhazmi ho jati hai. Pet me acid ke ilaj ke liye khane ka soda sabse saral aur kargar upay hai kyoki yah antacid ki tarah kaam karta hai.

Dedh chammach khane ke sode ko adha glass pani me ghol le. Ab ise pani ko pee le. Isse pet ki acid beasar ho jayegi aur apach ki problem se relief milegi.

5. Ajwain

Ajwain me pachan badhane wali aur gas ko kam karne wali properties hoti hai, jo badhazmi ki problem, pet fulne ki problem aur dast ki problem (diarrhea) ko thik karne me help karti hai.

  • Ajwain aur sukhe adrak ko sath me peeskar powder taiyar kare. Ab ise powder ki ek chammach ko ek cup garm pani me mila le aur upar se thodi si kali mirch ka powder chhidak le. Ab is mixture ko kha le. Is nuskhe ko din me do baar kare.
  • Khane ke baad dedh chammach ajwain ko pani ke sath bina chabaye gatakne se bhi badhazmi se rahat milti hai.

6. Herbal tea

Bhari khana khane ke baad herbal tea peene se apach ko kam karne me kafi help milti hai. Apni pasandida herbal tea ke bag ko ek cup garm pani me 5 minute ke liye dalkar rakhe. Ab ise garm state me hi piye.

Khastaur se peppermint tea aur chamomile tea ke istemal se pet ko sukun dene me jyada help milti hai.

7. Jeera (cumin)

Jeera ko kafi lame time se digestion, pet fulna, gas, dast aadi problems me gharelu medicine ke rup me istemal kiya jata aa raha hai. Yah pancreatic enzymes ke secretion ko badhakar digestion ko thik karta hai.

  • Ek chammach bhune huye jeere ke powder ko ek glass pani me gholkar piye.
  • Yadi pet bhara hua feel ho raha ho to ek-ek chauthai bhune jeere aur kali mirch ke powder ko ek glass chhachh me gholkar pee le. Ise din me 2-3 baar peene se apke pet ka bharipan dur jayega.

8. Dhania (coriander)

Dhaniya apach thik karne ke liye kafi popular aur kargar food product hai kyonki yah digestive enzymes ke production ko badhata hai aur pet ko sukun deta hai.

  • ek chammach bhune huye dhaniya ke beejo ke powder ko ek glass chhachh me gholkar piye. Aisa din me 2 baar kare.
  • Pet me acidity ko kam karne ke liye dhaniya ke hare paudhe ki pattiyo ka ras taiyar kare aur ise chhachh me dalkar piye.

9. Tulsi ke patte

Tulsi me carminative properties hoti hai, isliye yah apach, acidity aur gas ko thik karne ke liye kafi effective herb hoti hai.

  • Ek cup garm pani me tulsi ki pattiyo ko dalkar chaay taiyar kare. Pet ko sukun me rakhne ke liye is chaay ko din me 3 baar piye.
  • 6 tulsi ki pattiya, 3 bade chammach dahi aur ek-ek chauthai sendha namak aur kali mirch ko apas me milakar khaye.

10. Dalchini

Dalchini digestion process ko thik karne me help karti hai aur pet ki aithan aur sujan se rahat pradan karti hai.

  • Ek cup garm pani me adha chammach dalchini dalkar chaay banaye.
  • Is chaay ko garm state me hi chuski lekar piye.

Upar diye gaye nuskhe apko apach ke symptoms ko kam karne me help karenge. Lekin, yadi apko pet me bahut jyada dard ho raha ho ya ulti ho rahi ho to pahle doctor se janch karaye.

Extra tips

  • Ek baar me jyada khane ki jagah din me baar-baar thoda-thoda khaye.
  • Khane ko khub chabakar khaye.
  • Jyada masaledar aur tala bhuna khana na khaye.
  • Sharab, beer aadi na le.
  • Khane ke turant baad bistar par na lete, balki iski jagah 10-15 minute ke liye walk kare.
  • Depression se dur rahe.
  • Regularly exercise kare apne vajan ko control me rakhe.
  • Yadi kisi medicine ke lene ke karan apko apach ki problem hona shuru ho gai hai to iski jankari doctor ko de. Dard kam karne wali medicines ko jyada na khaye.
Share