Categories: Health aur Care

Asthma Ke 10 Gharelu Ilaj in Urdu

Asthma ya dama ek lungs ki bimari hai jiske karan saans lene me problem feel hoti hai. Iska attack tab hota hai jab lungs me hawa ke flow me koi rukavat aa jati hai. Asthma do prakar ka hota hai – acute aur chronic.

Is bimari ke hone ka sateek karan abhi tak pata nahi chal paya hai. Lekin yah allergy, air pollution, respiratory infection, emotion, mausam ki condition, khane me sulphides hone par aur kuch medicines lene se shuru ho sakti hai. Asthma ke common symptoms hai – khansi, ghargharahat, sanse chhoti hona aur seene me sakhti hona.

Asthma ke ilaj ke liye 10 sabse kargar gharelu nuskhe niche diye ja rahe hai –

1. Adrak

Adrak ko health ke liye kafi faydemand mana jata hai. Asthma ko thik karne me bhi yah help karta hai. Research se yah pata chala hai ki adrak lungs me inflammation ko rokta hai aur sanso ke raste me ane wale mucus ko kam karta hai.

Sath hi isme aise products hote hai jo asthma ki medicines ke asar ko badha dete hai.

  • Adrak ke ras, anar ke ras aur shahad ko barabar mila le. Is mixture ko roj din me teen baar ek-ek chammach le.
  • Ya fir, raat ko sone se pahle ek chammach adrak ke ras me adha chammach pani milakar le.
  • Aap adrak ko apne khane me milakar bhi le sakte hai.

2. Sarso ka tel

Jab bhi asthma ka attack hota hai to sarso ke tel ki malish faydemand ho sakti hai. Yah sanso ke rashte ko saaf karke rahat deti hai.

  • Sarso ke tel me thoda sa kapoor milakar garm kare.
  • Ab ise ek katori me nikal le aur garm state me hi isse apni chhati, peeth aur gardan ki malish kare.
  • Is ilaj ko roj kare jabtak asthma thik na ho jaye.

3. Anjeer

Anjeer me nutrients dene wali properties hoti hai jo respiratory system ko thik karti hai aur sans lene me hone wali mushkilo ko thik karti hai.

  • Teen sukhe anjeero ko dho le aur raat ko saaf pani me dubokar rakh de.
  • Subah khali pet in anjeero ko kha le aur pani ko pee le.

Is ilaj ko do mahino ke liye roj kare.

4. Lahsun

Niche diya gaya lahsun ka nuskha, asthma ki shuruat me lungs me hone wale congestion ko saaf karke is bimari se rahat dega.

  • 1/4 cup dudh me 3 lahsun ki kaliyo ko dalkar ubale.
  • Ab ise thanda hone ke baad pee le.
  • Is ilaj se asthma me turant rahat milegi.

5. Coffee

Coffee me caffeine hota hai jo body me bronchodilator ki tarah kaam karke asthma ko control karne me help karta hai. Hot coffee relaxation pradan karti hai aur hawa ke rashte ko saaf karke sanso ko asan karti hai. Coffee jitni strong hoti hai uska result utna hi achha hota hai.

Lekin din me teen cup se jyada coffee na piye. Yadi apko coffee pasand nahi hai to aap black tea bhi pee sakte hai.

6. Neelgiri ka tel

Asthma ke symptoms ke ilaj me neelgiri ka tel kafi kargar hota hai kyonki isme decongestant properties hoti hai jo allergy ko kam karti hai. Research se yah pata chala hai ki neelgiri ke tel me eucalyptol naam ka chemical hota hai jo mucus ko kam karne me help karta hai.

  • Raat ko sone se pahle ek towel ya rumal par neelgiri ke tel ki kuch bunde dalkar apne mathe par rakh le. Aisa karne se tel ki thodi-thodi khushbu apki sanso me jati rahegi.
  • Aap neelgiri ke tel ki bhaap bhi le sakte hai. Ek bartan me pani garm kar le aur upar se neelgiri ke tel ko kuch bunde daal de. Ab apne sir ko dhakkar is pani ki bhaap le. Achhe result pane ke liye bhaap lete time lambi-lambi sanse le.

7. Shahad

Asthma ke ilaj me shahad ko kafi lambe time se istemal kiya jata aa raha hai. Shahad me alcohol aur ether oils hote hai jo asthma ke symptoms ko kam karne me help karte hai.

  • Shahad ko sirf sunghne se hi kai logo ko positive result mil jate hai.
  • Aap ek glass garm pani me ek chammach shahad milakar dhire-dhire piye. Aisa din me 3 baar kare.
  • Raat ko sone se pahle ek chammach me adha chammach dalchini powder milakar nigal le. Yah apke gale se cough ko bahar nikal dega aur apko achhi nind ayegi.

8. Pyaj

Pyaj me anti-inflammatory properties hoti hai jo asthma ke dauran sanso me hone wali rukavat ko thik karti hai. Sath hi, pyaj me sulfur hota hai jo lungs ke inflammation ko kam karta hai.

Pyaj ko regularly khaye. Ise khane me sabji, salad, juice, soup aadi ke rup me istemal kiya ja sakta hai.

9. Nimbu

Asthma ke marijo me aksar vitamin C ki kami ho jati hai. Nimbu me bahut quantity me vitamin C aur antioxidants hote hai jo asthma ke symptoms ko kam karne me help karte hai.

Ek glass pani me adha nimbu nichod le. Ab isme swad ke anusar sugar mila le. Is nimbu pani ko roj piye.

Santra, papita, blue berries aur strawberries me bhi asthma ke symptoms ko thik karne wale nutrients hote hai.

Note – bottol pack nimbu ke ras ko na le. Yadi nimbu ka ras lene se asthma ke symptoms aur badh rahe hai to ise na le.

10. Ajwain

Chhote-mote asthma ke ilaj me ajwain ko bh iistemal kiya ja sakta hai. Yah lungs me maujud bronchial tubes ko chauda karne me help karti hai.

  • Ek pani ke bartan me ajwain dalkar garm kare. Ab sir par kapda dalkar is pani ki bhaap le. Ap is pani ko pee bhi sakte hai.
  • Ya fir, ek cup ajwain ke beejo ko ek kapde me bandhkar microweb me 1 minute ke liye garm kare. Ab is kapde se apni chhati ko senke. Is ilaj ko roj 2-3 baar kare.
  • Ya fir, ajwain aur gud ko barabar quantity me milakar garm kare aur roj din me 2 bar 1-1 chammah le. Yadi apko diabetes hai to is ilaj ko na kare.

Extra tips

  • Apko kin-kin chijo ke karan asthma ka attack aata hai unka pata lagaye aur unse dur rahe.
  • Yadi apko kisi chij se allergy hai to usse dur rahe.
  • Apne khane me herb aur masalo ko jyada khaye jaise rosemary, ajwain ki pattiya, adrak aur haldi.
  • Processed aur packaged foods na khaye. Inme maujud chemical ke karan bhi asthma ho sakta hai.
  • Apne khane me hari sabjiyo aur falo ko jyada le. Inme kai nutrients jaise magnesium, selenium, beta-carotene aur vitamin C hote hai jo lungs ke kamkaj ko thik karte hai.
Share