Categories: Health aur Care

Aam Khane Ke 9 Fayde in Urdu

Aam ya mango ek bahut hi tasty fal hota hai jise chhote bachho se lekar bude sabhi pasand karte hai. Yah duniya me sabse jyada khaya jane wala fresh fruit hai isliye ise ‘fao ka raja’ bhi kaha jata hai. Yah bajar me garmi ke mausam me milta hai. Iska meetha aur khushbudar jayka dimag ko refresh kar deta hai.

Aam ki kai sari kisme hoti hai aur yah alag-alag shapes aur sizes me milta hai. Iski lagbhag 1000 alag-alag kisme hoti hai.

Aam me bharpur quantity me nutrients, bioactive compounds aur fiber hone ke karan yah health ke liye kafi faydemand hota hai. Aam vitamin A, B aur C ke sath-sath potassium, magnesium, copper, calcium aur phosphorus ke sabse bade source me se ek hai. Inme pre-biotic fiber aur polyphenolic flavonoids antioxidants bhi bharpur hote hai.

Aam ke health ke liye sabse bade fayde neeche diye ja rahe hai –

1. Cholesterol kam karta hai

Aam ko regularly khane se cholesterol ka level thik rahta hai. Aam mw maujud vitamin C, pectin aur fiber body ke cholesterol level ko kam karta hai, khastaur se LDL cholesterol aur triglycerides ko. Iske sath-sath yah good HDL cholesterol ke level ko badhata hai.

Aam potassium ka bhi achha source hota hai. Potassium body ke nervous system me blood circulation ko badhata hai jisse heart rate aur high blood pressure control me rahta hai. Yah heart attack aur stroke ki possibility ko bhi kam karta hai.

2. Skin ko glowing aur healthy banata hai

Skin ke liye aam kafi faydemand hota hai, iska face mast aur scrub bhi kafi istemal kiya jata hai. Aam me antioxidants, khastaur se vitamin C hamari skin ko gora, healthy aur chamakdar banaye rakhne me help karta hai.

Isliye skin ko sundar banane ke liye aam ko khane ke baad uske chhilko ko fenke nahi. Is chhilko se apne chehre aur hath-pair ki skin ko ragde. Ragadne ke baad ise 15 minute ke liye sukhne de aur fir garm pani se dho le. Is asan upay ko regularly karte rahne se apki skin mulayam aur bedag bani rahegi.

3. Heat stroke se bachata hai

Heat stroke se bache rahne ke liye body me fluid level ka thik rahna jaruri hota hai. Aam me maujud potassium, body ke sodium level ko thik karta hai jo baad me body ke fluid level ko thik karke heat stroke se bachata hai.

Garmi me mausam me apni body ko thanda aur hydrated rakhne ke liye roj ek pake ya kachhe aam ko khaye. Yadi aap pake aam kha rahe hai to pahle ise ek ghante ke liye thande pani me dubokar rakhe.

4. Ankho ki roshni ko sudharta hai

Aam apki ankho ko healthy rakhne ke liye bhi kafi faydemand hota hai. Isme bahut jyada vitamin A maujud hota hai jo ankho ki health ke liye bahut hi jaruri nutrient hai. Vitamin A ankho ki roshni ko badhane me help karta hai aur vibhinna ankho ke rogo jaise rataundhim, motiabind (cataracts) macular degeneration, dry eyes, soft cornea aur general ocular discomfort se bachata hai.

Sath hi aam me maujud flavonoids jaise beta-carotene, alfa-carotene aur beta-cryptoxanthin ankho ki roshni ko banaye rakhne ke liye faydemand hote hai.

Isliye apni ankho ko healthy rakhne ke liye roj aam khaye. Roj sirf ek cup aam ka juice peene se vitamin A ki 25% quantity ki supply ho jati hai.

5. Body ko alkalize karta hai

Garmiyo ke is popular fal ka hamari body par alkalizing effect hota hai. Isme tartaric acid, molic acid aur kuch quantity me citric acid paai jati hai, jo body ke alkaline level ko banaye rakhne me help karti hai.

Iske karan hamari body kai health problems jaise kidney disease, muscle loss, kamjor haddiya aur chronic metabolic acidosis se bachi rahti hai.

Aam ko regularly khate rahne se blood normal aur thoda basic pH value 7.35 aur 7.45 ke beech bana rahta hai. Isse body me oxygen ka circulation badhta hai, energy badhti hai, motapa hone ki possibility kam hoti hai aur digestive system thik rahta hai.

6. Digestion ko thik rakhta hai

Aam ke high fiber content hota hai jo digestion ko badhata hai, waste products ko bahar nikalne me help karta hai aur bowel movement ko normal karta hai. Haal me hui ek research ke anusar yah gastrointestinal disorders jaise Crohn’s disease ko thik karne me bhi help karta hai.

Sath hi yah fal qabz aur pet ke ulcer ki samasya me bhi aram deta hai. Aam me aise enzyme bhi hote hai jo carbohydrates aur protein ko todkar energy me badalne me help karte hai.

Kachhe ya pake, kisi bhi type ke aam ko regularly khane se digestion thik rahta hai aur pet se related bimariya nahi hoti.

7. Cancer se ladta hai

Aam me high fiber aur vitamin C ke sath-sath kuch phenols aur enzymes maujud hote hai isliye isme anti-carcinogenic properties paai jati hai.

Kuch research se yah baat samne aai hai ki aam me maujud anti-carcinogenic aur antioxidant properties hamari body ko pet, breast, lung, skin, leukemia aur prostate cancer se bachati hai. Aam me paye jane wale kuch cancer fighting compounds nimn hai – quercetin, isoquercitrin, astragalin, fesetin, gallic acid aur methyl gallat.

Yah anti-cancer compounds ango ko nuksan pahuchaye bina cancer cells ko target karke bahar nikal dete hai.

Cancer ke marijo ko roj do glass aam ka juice pilaye.

8. Immunity power ko badhata hai

Aam me bahut jyada vitamin C aur A hone ke karan yah immune system ko healthy aur takatvar banaye rakhne me helk karta hai. Immune system ko thik se kaam karne ke liye vitamin A ki jarurat hoti hai.

Vitamin C skin aur mucosal membranes ko healthy banaye rakhta hai aur khatarnak bacteria aur fungus ko andar nahi ghusne deta. Yah white blood cells (WBC) ke production ko bhi badha deta hai jo immune system ko thik se kaam karne ke liye jaruri hai.

Sath hi aam me 25 type ke carotenoids hote hai jo immune system ke liye faydemand hai. Immune system ke majbut hone se sardi-jukam aur inflammation bimariya nahi hoti.

9. Yaddasht badhata hai

Aam khane se dimag healthy rahta hai, yaddasht badhti hai aur concentration thik hota hai. Medical journal me publish hui ek study ke anusar aam me cholinergic function ko badhane wale oxidatives aur stress ko kam karne wale compounds paye jate hai. Isliye yah yaddasht ko badhane ke liye faydemand fal hai.

Aam me paai jane wali glutamine acid bhi memory aur concentration ko badhati hai. Sath hi isme maujud vitamin B6, dimag ke kamkaj ke liye faydemand hota hai.

Isliye yadi apko bhulne ki bimari hai ya padhai me man nahi lagta hai to aam ko regularly khaye.

Share